రాజాధి రాజ రవి కోటి తేజ రమణీయ సామ్రాజ్య పరిపాలక (2) విడువని కృప నాలో స్థాపించెనే సీయోనులో నున్న స్తుతుల సింహాసనమును (2) ||రాజాధి|| వర్ణనకందని పరిపూర్ణమైన నీ మహిమ స్వరూపమును - నా కొరకే త్యాగము చేసి (2) కృపా సత్యములతో కాపాడుచున్నావు దినమెల్ల నీ కీర్తి మహిమలను - నేను ప్రకటించెద (2) ||రాజాధి|| ఊహలకందని ఉన్నతమైన నీ ఉద్దేశములను - నా యెడల సఫలపరచి (2) ఊరేగించుచున్నావు విజయోత్సవముతో యేసయ్య నీ కన్నా తోడెవ్వరు - లేరు ఈ ధరణిలో (2) ||రాజాధి|| మకుటము ధరించిన మహారాజువై నీ సౌభాగ్యమును - నా కొరకే సిద్ధపరచితివి (2) నీ పరిశుద్ధమైన మార్గములో నడిచి నీ సాక్షినై కాంక్షతో పాడెద - స్తోత్ర సంకీర్తనలే (2) ||రాజాధి||