నీతి సూర్యుడవై వెలుగుతున్న యేసయ్య నీ ఏర్పాటులోన నీ దేహము మేమయ్య (2) నీదు రక్షణతో మమ్ము కాచినందుకు నీదు సంఘముగా మమ్ము నిలిపినందుకు (2) నీకే వందనం - నీకే వందనం నీకే వందనం - యేసు రాజ వందనం (2) ||నీతి|| త్వరలో రానై ఉన్నావయ్యా మా ప్రభువా నీదు విందులోన చేరాలని మా దేవా (2) సిద్ధపాటుకై కృపలను చూపుమని నిన్నే వేడితిమి నీవే మా బలమని (2) ||నీకే|| నీ నామము రుచిని ఎరిగిన వారము మేము నిరతము నీ మంచి మన్నాతో బ్రతికెదము (2) నీ ఆశ్రయములో కురిసెను దీవెనలు నీలో నిలిచెదము చాటగా నీ తేజము (2) ||నీకే||